في حجابي الحاجز / للشاعر سمر إسماعيل / مصر

في حجابي الحاجز / للشاعر سمر إسماعيل / مصر
في حجابي الحاجز / للشاعر سمر إسماعيل / مصر

 



( مكنتش مهتمة أنى اكتب شعر او خاطرة ، اد ما كان شاغلنى احكى

 قصة ، أبرز وأروى مشاهدها _ بكل دقة وامانة _ وزىّ ما حصلت فعلا ً !! )

كان دايماً موجود

ف حجابى الحاجز !!

وبصبر قلبى عليه وبقول ..

يمكن يصدّق او جايز !!

شفت ف عينه ..

كِسرة الوجع الفارق 

بين اللى مش قادر

واللى مش عايز !!

                                        ★★★                                            

على آد م كان بيقربنى .. كان بيغربنى !!

على آد م كنت بحس أنا بيه ، 

طاير ف عنيا !!

صورتى ف عينه بتآسرنى !!

كان بيصبرنى !!

على بعض حاجات حوليا 

بتضايق فيا !!

كان بيصبرنى !!

                                        ★★★                                            

طيبة وبرآة روحه المتكامله !!

أجمل من طفل بيضحك بخباثه !!

علشان عامل عمله !!

كان زىّ ملايكه !!

شوفت أنا نفسى ف عينه ،

بالصورة اللى أنا حبيتها !!

البنت الجدعه ، الهاديه ،

المرنه ، المتزنه ، المختلفه !!

ونيران اسئلة وحروب 

نشبت جوايا !!

فوقى لروحك واتظبطى !!

دى عيون ومشاعر بنى أدم ،

مش واقفه بتتعايقى ف مرايه !!

                                         ★★★                                        

أنا عمرى م فكرتْ انى اسيئله !!

طول عمرى بشوفله ..

وبختارله الأليق له !!

طب أعمل ايه ؟!!!

طب ليه ساكت .. ميقول !!

ميقولى أنا ايه بالنسبه له ؟!!!

معقول !! معقول زىّ مبتمنى ..

هو كمان عايز انى ابقاله !!!

                                           ★★★                                              

طول صمته كان بيجرح بمخالب " تِّلمه "

ف عشمى وطلاقة بوحى !!

مش ممكن مش فاهم لهفة نظراتى

أشواق قلبى وحنين روحى !!

                                       ★★★                                         

مقدرتش أغامر !!

معرفتش أجازف !!

عقلى سيد اطوارى 

وكرامتى دايما فوق راسى 

قررت انى امشى !!

لو عايز حاجه .. هيجى

وهيقولها .. ده لو عايز !!

                                         ★★★                                          

الحب مشاعر مختلفه 

مش نزوه !! مش شهوه !!

مينفعش تكون ملكانا !!

احنا اللى بنتمكن منها 

مقدرتش اقسى ع قلبى 

وهو بيحلفنى بغلاوة العشره 

مسيبوش مربوط بحزامى الناسف !!

                                         

                                     ★★★                                        

#كان_دايماً_موجود

#ف_حجابى_الحاجز



تعليقات