رثاء إلى المرحوم الشاب وديع جورج وسوف لروحه السلام للشاعر مدين رحال
رثاء للمرحوم وديع وسوف للشاعر مدين رحال
وديع ال سافر ب زهوة شبابو
قدر مكتوب من الله كْتابو
ضيف الرب عند الرب ناطِر
على الفردوس يِفْتَحلو بْوابو
إله الكون كل الكون فاطِر
أكرَم كل شخص داخِل رِحابو
قلبك جورج بالإيمان عاطِر
وعقلك مافقد لحظة صوابو
معك جمهورك بْحِزنك مْشاطِر
قهر عا إبنك الجمهور صابو
ودمعي شعر بالأفكار قاطِر
بلش ع الورق يكتب جوابو
يَ ربي انت جبار الخواطِر
دخيلك لا تْذَوّق بَيّ حسره
ع قلبو نَزِّل الصبر بْ مُصابو
----------------------
شعر مدين رحال
تعليقات
إرسال تعليق
* عزيزي القارئ *
لقد قمنا بتحديث نظام التعليقات على موقعنا، ونأمل أن ينال إعجابكم. لكتابة التعليقات يجب أولا التسجيل عن طريق مواقع التواصل الإجتماعي أو عن طريق خدمة البريد الإلكتروني...
رئيس التحرير د:حسن نعيم إبراهيم.